إعدادات العقارى: اقترح، راجع، وأكّد

الخطوات

1. افتح الشاشة: على اليمين قايمة الأقسام (عام، والتسعير والبيع، وأنظمة السداد، والتحصيل والشيكات، والمتأخرات والغرامات، والأحداث، والربط بالحسابات…) وجنب كل قسم عدد إعداداته. اختار قسم تظهر إعداداته هو بس: اسم الإعداد، وخانته، وعلى الآخر «المقترح: …». وتحت خالص السطر بيقولك «الإعدادات مؤكَّدة» أو «غير مؤكَّدة».

   

2. مش فاكر الإعداد فى أنهى قسم؟ اكتب جزء من اسمه فى «بحث» (Ctrl+F بيوديك عليها) من غير ما تظبط الهمزة: النتايج بتظهر تحت أسماء أقسامها. وعلامة «المتغيّر عن المقترح فقط» بتوريك اللى شركتك غيّرته بس، ودى أسرع مراجعة قبل التأكيد.

   

3. فى دفتر جديد: دوس «اقترح القيم» (بيكتب المقترح فى كل صف لسه ما اتحفظش، وما بيكتبش فوق حاجة محفوظة)، راجع وغيّر اللى يخص شركتك، واكتب اللى ما لوش اقتراح (زى يومية العقارى، ونسبة الغرامة، وحدّ التحصيل النقدى)، ودوس «تسجيل»، وبعدين «أؤكّد الإعدادات». ولو أكّدت قبل «اقترح القيم» البرنامج بيرفض ويسمّى الصفوف الفاضية.

   

4. فيه إعدادات مكانها مش هنا: خانتها مكتوب فيها «يُضبط فى «…»» (زى أسباب الخصم)، أو «اليوم: … — يُغيَّر بسطرٍ فى «الإعدادات بتاريخ سريان»». دول بتغيّرهم من مكانهم، ووقوفك بالماوس على الاسم بيوريك ملاحظته أو مصدره القانونى.

   

5. لسان «بتاريخ سريان»: الإعداد اللى مصدره قانون أو لايحة (زى «الحجز فى مرحلةٍ بلا ترخيص»، و«أساس توزيع تكلفة الوحدات»، و«إيراد الوحدات للضرائب»، و«سعر ضريبة الدخل ٪») ما بيتعدّلش، بيتضاف له سطر: اختار الإعداد، واكتب «من تاريخ» والقيمة و«المصدر القانونى»، ودوس «سطرٌ جديد». مثال الدليل: «منع» من 2027-01-01 بقرار مجلس الإدارة.

   

6. السطر اللى سرى (تاريخه النهارده أو قبله) ما بيتمسحش، لأن مستندات اتعملت بيه. السطر اللى تاريخه لسه ما جاش بيتمسح عادى.

   

7. وتحت اللسان «القواعد الثابتة»: نص مش خانات، لأنها مش بتختلف بين الشركات: الجدول لازم يساوى سعر العقد بالقرش، ومفيش إرسال آلى للتذكير (البرنامج يجهّز والموظف يطبع أو يبعت)، والغرامة ما بتتقيّدش وقت اعتمادها، بتبقى إيراد يوم تحصيلها.