المحاسب بيرحّل مستندات العقارى: يعاين، يرحّل، يرجّع، يعكس

الخطوات

1. الجرس بيقولك «مستنداتٌ عقارية جاهزة للترحيل» لكل مشروع. افتح «البيع ← التحصيل ← مستندات العقارى الجاهزة للترحيل»: فوق كل الجاهز بنوعه ورقمه (زى ما اتطبع) وتاريخه (ده تاريخ القيد) ووحدته وعميله ومبلغه وعدد شيكاته ومين جهّزه. ولو انت متسنّد لمشروعات معيّنة مش هتشوف غير فلوسها.

2. اختار مستند، قيده بيظهر تحت قبل ما يتكتب: «الدور» و«الحساب» و«مدين» و«دائن» و«الطرف». راجع الحساب والطرف. والقايمة مش إيصالات بس: فيها كمان «استحقاق عمولة»، و«حصة شريك على تحصيل»، و«عكس حصة شريك»، ومستندات تسوية التكلفة التقديرية، وقيد تسوية تغيير السياسة، ومستند الضريبة المؤجلة، والتسليم والإلغاء والتنازل.

3. علّم اللى هترحّله ودوس «ترحيل المحدد» أو «ترحيل الكل». كل مستند لوحده: اللى عدّى بيترحّل برقم قيده، واللى وقف بيفضل جاهز وسببه فى جدول النتائج، وما بيتكتبش منه ولا سطر. وأشهر وقفة فى أول أيام الشغل «دورٌ بلا حساب»: ده ضبط تعمله انت فى «أدوار الحسابات» وترحّل تانى، مش غلطة الموظف.

   

4. الغلط فى المستند نفسه (مبلغ، قسط، تاريخ)؟ اكتب «سبب الإعادة» ودوس «إعادة للموظف»: الحجز على الأقساط بيتفك، والمستند بيفضل برقمه وحاله «مُعاد»، والسبب بيبان للموظف فى سطر الحال عنده فيصلّحه ويبعته تانى.

5. اترحّل وطلع غلط؟ المرحَّل ما بيتمسحش ولا بيتعدّل. افتح الإيصال، واكتب «السبب»، ودوس «عكس المرحَّل» (تاريخ العكس مش قبل تاريخ الإيصال): بيطلع مستند عاكس برقم جديد «عُكس الإيصال بالمستند رقم …» بقيد عكسى بنفس الحسابات والأطراف والمراكز، والقسط يرجع مستحق من تاريخ العكس، والأصل حاله «معكوس». وإيصال فيه شيكات: شيكاته بتترد أو بترتد من «الخزينة والشيكات».

6. آخر اليوم: «تقارير العقارى ← التحصيل ← مستندات العقارى وحالها» بيوريك الجاهز اللى ما اترحّلش بعمره بالأيام ومين جهّزه، والمرجّع بسببه، والمترحّل والمعكوس. ده اللى تتابع بيه إن مفيش مستند نايم.