قائمة البدء و«بدء التشغيل»: من الويب للبرنامج
الهدف
تكمّل قايمة البدء العشرة على المشروع المنقول، وتربط شيكاته القائمة بحافظة الحسابات، ويبدأ التشغيل مرة واحدة فيتحوّل تاريخ الويب أرصدة افتتاحية على الأقساط. وتعرف ليه المشروع متجمّد لحد اليوم ده، وإيه اللى بيتغيّر بعده. حوالى ٢٠ دقيقة.
قبل ما تبدأ
- المشروع اتنقل، وتقرير النقل اتراجع، والمطابقة اتعملت (الدرسين اللى قبله).
- «قائمة بدء التشغيل» بصلاحية «استيراد بيانات العقارى من ملفات». وزرار «بدء التشغيل» نفسه محتاج كمان «إعدادات الاستثمار العقارى».
الخطوات
-
مشروع فيه حاجة منقولة وما بداش: أى كتابة على عقوده بتترفض من أى شاشة (إيصال، جدول، إعادة جدولة، غرامة، حجز، حدث، تسليم، حصص الشركاء…)، والرفض بييجى قبل أى فحص تانى. القراية مسموحة، وكارت الوحدة وقوائم الأسعار والمبانى مش متجمّدة عشان تصلّح فيها قبل البدء.
«إيصال التحصيل» لموظف التحصيل على عقد فى «مشروع تجريبى» بتاريخ اليوم والمشروع لسه ما بداش: رسالة ««مشروع تجريبى» فيه منقولٌ ولم يبدأ التشغيل — المشروع مجمَّدٌ حتى «بدء التشغيل»: …» ومفيش مستند اتكتب. -
وحتى الخطابات للعملاء (التذكير والإنذار وكشف المصادقة) بتترفض بنفس الرسالة، لأن مسدَّد الويب لسه ما اتحطّش على الأقساط، فخطاب هيقول للعميل إن عليه أقساط هو دافعها. وأى ورقة بتقرا الأقساط للمشروع ده بتطبع فى أولها «لم يبدأ التشغيل — مسدَّد الويب غير محمول».
دفعة خطابات «التذكير» لـ«مشروع تجريبى» بتاريخ اليوم والمشروع متجمّد: نفس رسالة التجميد، وما اتجهّزش ولا خطاب. -
افتح «إعدادات العقارى ← النقل ← قائمة بدء التشغيل»، واختار المشروع و«عرض». سطر الحال زى «تاريخ القطع 30/06/2026 — تمّ 7 من 10». والجدول: البند (ب-١ … ب-١٠)، و«ما يُتحقق منه»، و«تمّ»، و«الناقص» بنص الرفض بالظبط فتعرف تعمل إيه. وعلى الشمال «تنبيهات لا تمنع البدء» زى «زائد شيك».
«قائمة بدء التشغيل» لـ«مشروع تجريبى» للمدير المالى: «تاريخ القطع 30/06/2026 — تمّ 7 من 10» وزرار «بدء التشغيل»، وجدول البنود فيه التلات بنود الباقية من غير علامة «تمّ» ونص «الناقص» جنب كل واحد. -
البنود: ب-١ الإعدادات مؤكَّدة، ب-٢ سياسة الإيراد مختارة، ب-٣ «معالجة ما قبل البدء» مختارة (من غير اقتراح عمداً)، ب-٤ يومية العقارى مختارة، ب-٥ كل دور بيستعمله بند فى عقود المشروع ليه حساب، ب-٦ تاريخ القطع معرَّف، ب-٧ تقرير النقل معتمد بملاحظة، ب-٨ كل فرق فى المطابقة عليه ملاحظة، ب-٩ فيه مستخدم غير مدير النظام للتحصيل والترحيل، ب-١٠ كل شيك قائم عند القطع مربوط بشيك فى الحافظة.
-
لسان «الشيكات القائمة عند القطع»: اختار الشيك ودوس «ابحث فى الحافظة»: بيجيب الشيكات الواردة بنفس الرقم ويختار مقدّماً اللى بنفس المبلغ ومش مربوط بغيره. وبعدين «ربط بالشيك المختار». الشيك «أهل» لو: طرفه هو مشترى العقد، وما عليهوش تحصيل ولا ردّ ولا جزء مدفوع، واستلامه اتقيّد بنموذج الهيئة. ولو مش فى الحافظة أصلاً: دخّله من «الخزينة والشيكات» الأول.
لسان «الشيكات القائمة عند القطع»: الشيك 200103 لعقد a102 فى «مشروع تجريبى» (240,000 يستحق 01/08/2026) مختار، وبعد «ابحث فى الحافظة» على الشمال شيكين بنفس الرقم: الأول (حافظة 3125) طرفه «عميل تجريبى ٢» (بنك مصر) ومش مربوط ومختار، والتانى (حافظة 3126) طرفه «مالك الأرض — شريك المرحلة الخامسة» (البنك الأهلى)، وتحت «2 شيكاً وارداً برقم «200103» — اختر شيك العميل ثم «ربط»»، وزرار «ربط بالشيك المختار». -
«بدء التشغيل» والقايمة ناقصة: ما بيسألش، وبيعرض رسالة فيها كل بند ناقص سطر سطر، وما بيكتبش حاجة.
محاولة «بدء التشغيل» على «مشروع تجريبى» والقايمة ناقصة: رسالة «لا يبدأ التشغيل قبل إكمال قائمة البدء:» وتحتها سطر لكل بند ناقص من التلاتة بنصّه. -
القايمة تامّة: بيسأل تأكيد فيه اسم المشروع ويوم البدء (تاريخ القطع + يوم) وتاريخ القطع. بالموافقة، مرة واحدة: المنقول بيبقى موقف افتتاحى على كل قسط، ومصادر المشروع وفترة النقل بيتقفلوا، والتجميد بيتشال، وبيتكتب سطر تدقيق بالملخّص هو نفسه اللى بيظهر فى «ملخّص البدء».
القايمة تامّة و«بدء التشغيل»: سؤال التأكيد «بدء تشغيل «مشروع تجريبى» من 01/07/2026 — تاريخ القطع 30/06/2026. …». -
بعد البدء: «الحجز والتسديد» للعقد المنقول بيبيّن الأقساط المسدَّدة من الويب «مسدَّد» والمغطاة بشيك «مغطى بشيك». وأى مستند عقارى بتاريخ لحد تاريخ القطع بيترفض («… فى فترة النقل …»)، ونفس المستند بتاريخ البدء أو بعده بيتقبل. والفلوس اللى البدء حطّها «تحت الحساب» توزّعها على أقساط ثمن الوحدة من «البيع ← التحصيل ← توزيع تحت الحساب الافتتاحى» (من غير إيصال ولا قيد).
«الحجز والتسديد» للوحدة A 102 (العقد المنقول a102) فى «مشروع تجريبى» بعد بدء التشغيل من 01/07/2026، لموظف التحصيل: القسطين 4 (يستحق 01/08/2026) و5 (يستحق 01/12/2026) بـ240,000.00 كل واحد «مغطى بشيك»، والأقساط التلاتة الأولى «مسدَّد» من نظام الويب، وفوق «الشيكات المؤجلة 480,000.00».
ليه بنعملها كده
- مسدَّد الويب بيتضاف على الأقساط يوم البدء. لو اتكتب إيصال قبلها على نفس القسط، القسط هيتسدد مرتين. عشان كده المشروع متجمّد لحد البدء.
- التحويل مرة واحدة، مش قراية لجداول الويب كل يوم: الحسابات اليومية لما كانت بتقرا تاريخ الويب طلعت أخطاء (إيصال يتيم يلزق فى قسط جديد، وإعادة جدولة ناسية المسدَّد). فالتاريخ بيتحوّل أرصدة افتتاحية، وده نفس اللى بتعمله البرامج الكبيرة.
- بعد البدء الحافظة لوحدها هى اللى بتغطى القسط. شيك برّه الحافظة يبقى قسط مكشوف وغرامة على فلوس عند الشركة، فعشان كده ب-١٠ بيمنع البدء.
- «تحت الحساب» بيتوزّع من غير إيصال لأن الفلوس اتحصّلت قبل القطع وقيدها فى الدفتر من زمان؛ إيصال جديد هيقيّدها تانى. وبيتوزّع على ثمن الوحدة بس لأنها اتقيّدت ثمن وحدة.
أخطاء شائعة
- تعمل إيصال على مشروع منقول قبل البدء.««…» فيه منقولٌ ولم يبدأ التشغيل — المشروع مجمَّدٌ حتى «بدء التشغيل»: …». كمّل القايمة وابدأ، وسجّل الإيصال بتاريخ البدء أو بعده.
- تدوس «بدء التشغيل» قبل ما القايمة تخلص.«لا يبدأ التشغيل قبل إكمال قائمة البدء:» وتحتها كل بند ناقص. اعمل اللى مكتوب فى «الناقص» لكل بند، و«عرض» تانى.
- شيك قائم «لا شيك واردٌ برقم «…» فى الحافظة».دخّله من «الخزينة والشيكات» واستلمه بنموذج الهيئة، وأعد النقل أو اربطه يدوى من «ابحث فى الحافظة».
- توزّع من «تحت الحساب» أكتر من رصيده (زى ٣٠٬٠٠٠ + ٣٠٬٠٠٠ على ٥٠٬٠٠٠).««تحت الحساب» الافتتاحى للوحدة A106 50,000.00 — والتوزيع 60,000.00. لم يُوزَّع شىء». خلّى المجموع قد الرصيد أو استعمل «توزيع تلقائى».
تمرين على الشركة التدريبية
اعمل كده
- ادخل نسخة التدريب بموظف التحصيل وحاول تعمل «إيصال تحصيل» على عقد فى «مشروع تجريبى» بتاريخ اليوم.
- ادخل بالمحاسب وافتح «قائمة بدء التشغيل» على «مشروع تجريبى» و«عرض»، وروح لسان «الشيكات القائمة عند القطع» واختار الشيك 200103 ودوس «ابحث فى الحافظة».
- ادخل بالمدير المالى ودوس «بدء التشغيل» والقايمة لسه مش تامّة.
لازم تشوف
- الرفض ««مشروع تجريبى» فيه منقولٌ ولم يبدأ التشغيل — المشروع مجمَّدٌ حتى «بدء التشغيل»: …» ومفيش مستند اتكتب.
- سطر الحال «تاريخ القطع 30/06/2026 — تمّ … من 10» وكل بند ناقص جنبه نص «الناقص». وفى الشيكات: الشيكات الواردة برقم 200103، واللى طرفه «عميل تجريبى ٢» بنفس المبلغ ٢٤٠٬٠٠٠ مختار (أو مكتوب إنه «رُبط بشيك الحافظة» لو اتربط قبل كده).
- «لا يبدأ التشغيل قبل إكمال قائمة البدء:» وتحتها سطر لكل بند ناقص بنصّه، والمشروع لسه متجمّد.