عرض السعر والحجز المؤقت
الهدف
تدّى الزبون ورقة سعر وجدول يفكّر بيهم، وتمسك له الوحدة كام يوم من غير ما تروح لحد تانى.
قبل ما تبدأ
- صلاحية «عرض السعر والحجز المؤقت»، ومعاها «عرض الاستثمار العقارى».
- الوحدة تكون «متاحة» على اللوحة.
- الزبون متسجّل «عميل محتمل» أو طرف.
الخطوات
-
افتح «البيع ← الحجز والتسديد» (أو اضغط F2 وانت جوه موديول الاستثمار العقارى). اختار المشروع واكتب كود الوحدة ودوس Enter. فوق الرأس، وتحته شريط ثابت: الحال، والعميل، وسعر العقد، والمسدد، والشيكات المؤجلة، والمتبقى، والمتأخر، ونسبة السداد. ده شكل شقة المثال «2A010307» المتعاقد عليها.
«الحجز والتسديد» لمسؤول البيع على 2A010307 يوم 05/11/2026: الحال «متعاقد عليها»، العميل «عميل القصة الثالث»، سعر العقد ٦٬٣٠٠٬٠٠٠٫٠٠، المسدد ٢٬٧٦٠٬٠٠٠٫٠٠، الشيكات المؤجلة صفر، والمتأخر ٥١٥٬٤٠٠٫٠٠ (الغرامات المعتمدة ٢٤٥٬٤٠٠ وقسط 01/11/2026 ٢٧٠٬٠٠٠)، ونسبة السداد ٤٣٫٨١٪. -
لو ما عندكش «رؤية الأسعار والمبالغ (العقارى)» الشريط بيفضل من غير أرقام وتحت مكتوب «المبالغ مخفاة». الشاشة نفسها شغّالة عادى.
نفس الوحدة لموظف من غير «رؤية الأسعار والمبالغ (العقارى)»: الشريط من غير أرقام وتحت «المبالغ مخفاة». -
على وحدة متاحة روح لصفحة «حال الوحدة والعقد» جزء «عرض السعر»: اختار «نظام السداد»، واكتب «الخصم ٪» لو فيه، و«بداية الجدول»، واختار «العميل المحتمل» أو «الطرف» (واحد بس). «احسب» بيوريك السعر والجدول من غير ما يحفظ، و«إصدار العرض» بيحفظه برقم، و«طباعة العرض» بيطبعه. مثال على شقة A2 متاحة ١٥٠ م² بنسخة ٢٠٢٦ وخصم ٢٪: «السعر الشامل 8,560,976.64 — ثمن الوحدة 8,260,976.64 بعد خصم 168,591.36 — صالحٌ حتى …».
جزء «عرض السعر» لموظف المبيعات على وحدة متاحة بعد «احسب» بخصم: سطر «السعر الشامل … — ثمن الوحدة … بعد خصم … — صالحٌ حتى …» (صالح ٧ أيام)، والجدول تحته. -
الزبون عايز يفكّر؟ فى جزء «الحجز المؤقت» اختار «المشترى»، و«المدة (أيام)»، و«التأمين» لو دفع، ودوس «حجز مؤقت». الوحدة بتبقى «حجز مؤقت» على اللوحة والويب فوراً، والتأمين بيتعمل إيصال تحصيل «مسودة» يجهّزه موظف التحصيل ويرحّله المحاسب.
جزء «الحجز المؤقت» لموظف المبيعات بعد «حجز مؤقت» على وحدة متاحة فى المرحلة الخامسة ٣ أيام بتأمين: السطر «حجز مؤقت — التأمين مستندٌ مسودة رقم …» والحال «حتى …» بعد ٣ أيام. -
لو زميلك (أو حد من الويب) حاول يحجز نفس الوحدة، البرنامج بيرفض وبيقول مين حاجزها ولحد إمتى. ولو اتنين داسوا فى نفس اللحظة، التانى بيترفض وما بيتحفظش له حاجة.
موظف تانى بيحاول «حجز مؤقت» على نفس الوحدة: الرفض «الوحدة «…» محجوزة مؤقتاً لـ… حتى … — لا تُحجز مؤقتاً» بكود الوحدة واسم اللى حاجزها. -
التمديد والفكّ لقائد الفريق («تمديد الحجز المؤقت وفكّه»): «تمديد (أيام)» ثم «تمديد»، أو «سبب الفكّ» ثم «فكّ». ولو المدة خلصت من غير حجز، الحجز بيتفكّ لوحده أول ما حد يفتح الشاشة أو يعمل عملية على الوحدة، وبيتكتب فى «التاريخ».
ليه بنعملها كده
- العرض ورقة أسعار مش التزام: الوحدة بتفضل متاحة لغيره. وصلاحية العرض محدودة بإعداد (المقترح ٧ أيام)، والعرض المنتهى ما يتحجزش بيه.
- الحجز المؤقت بمدة عشان الوحدة ما تتحبسش لزبون ما رجعش. المدة الافتراضية والقصوى إعدادات (المقترح ٣ و١٤ يوم).
- التأمين فلوس، والفلوس ما بتدخلش الدفتر من شاشة البيع: بتتعمل مستند مسودة، وموظف التحصيل يجهّزه والمحاسب يرحّله.
- لو الحجز خلص والتأمين كان اترحّل، البرنامج بيجهّز لوحده مستند ردّ للمحاسب، والخصم منه إعداد (المقترح صفر، يعنى يرجع كامل).
أخطاء شائعة
- تفتكر إن «إصدار العرض» حجز الوحدة للزبون.العرض ما بيحجزش. لو عايز تمسكها له اعمل «حجز مؤقت».
- تحجز بعرض عدّت صلاحيته.البرنامج بيرفض «انتهت صلاحيته». أصدر عرض جديد بسعر النهارده.
- تختار «العميل المحتمل» و«الطرف» مع بعض.واحد بس منهم: المحتمل لو لسه ما اشتراش قبل كده، والطرف لو مسجّل.
- تقول للزبون إن التأمين «اتسجّل فى الحسابات».التأمين لسه مسودة. بيدخل الدفتر لما المحاسب يرحّل الإيصال.
تمرين على الشركة التدريبية
اعمل كده
- على شقة A2 متاحة فى «عمارة 2A01» (مثلاً «2A010207»)، اعمل «عرض السعر» بنظام «١٠٪ مقدم وأربع سنوات ربع سنوى» وخصم ٢٪ لـ«عميل تدريب ١»، ثم «إصدار العرض».
- اعمل «حجز مؤقت» لنفس الزبون ٣ أيام بتأمين ٢٠٬٠٠٠.
- ارجع للوحة وشوف لون الخلية.
لازم تشوف
- سطر العرض: «السعر الشامل 8,560,976.64 — ثمن الوحدة 8,260,976.64 بعد خصم 168,591.36 — صالحٌ حتى …» بعد ٧ أيام (لو الوحدة اللى اخترتها مش ناصية).
- سطر «حجز مؤقت — التأمين مستندٌ مسودة رقم …».
- الخلية على اللوحة بنفسجى، وفى صفحة «السداد» إيصال التأمين «مسودة — تُعَدّ من التحصيل».