أول دخول لمحاسب المقاولات: القوايم والرئيسية والجرس

الخطوات

1. محاسب المقاولات عنده «قيود اليومية» وصلاحيات المقاولات، فالبرنامج بيفتح له على صفحة المنصة «الرئيسية» ويختار منها. المبدِّل فى أول الرأس من اليمين: Ctrl+0 صفحة المنصة، وCtrl+1 المحاسبة، وCtrl+2 المقاولات، وCtrl+H رئيسية الموديول اللى إنت فيه. التنقل ما بيقفلش أى شاشة، فممكن تسيب تسوية مفتوحة فى لسان وقيد فى اللسان اللى جنبه. والعام المالى فى الرأس واحد فى الموديولين.

   

2. قوايم المقاولات أربعة وبعدها «النظام». شغلك اليومى فى «الحصر والمستخلصات»، مجموعة «الحسابات»: التسويات، والموقف الافتتاحى، واستيراد مستخلصات الإكسل السابقة، وردّ المحتجز، والغرامات، والمواد المسلَّمة، وتوريدات فروق الأسعار. وتحتها مجموعة «العملاء» لو الشركة مفعّلة مستخلصات العملاء.

   

3. وباقى القوايم: «تقارير المقاولات» بقوايم فرعية بترتيب الدورة، و«إعدادات المقاولات» (الإعدادات، والقوايم، وخريطة الحسابات، وقوالب استيراد المستخلصات). والقايمة اللى ما فيهاش بند يخصّك مش بتظهر لك أصلاً. ولما تدوس Alt فى شاشات الاستيراد والمعايير هتلاقى حرف عليه خط فى أزرار زى «قراءة» و«طابق» و«بداية التقرير»: Alt مع الحرف ده بيدوس الزرار من غير ماوس.

4. رئيسية المقاولات أرقام، كل رقم بيرد على سؤال. أرقامك إنت: «مستخلصات لدى الحسابات لم تُسوَّ» (شغل مستنى تسوية)، و«معتمدة تنتظر القيد» (مستنية زرار «قيّد»)، و«مستحق لم يُصرف»، و«مقاولون مدينون». النقطة قبل الاسم: رمادى عادى، ودهبى محتاج انتباه، وأحمر خطر. وتحت الاسم سطر بيقول الرقم اتحسب إزاى، وتحته العدد والمبلغ. فى «آسيا» بطاقة «ضمانات تستحق التجديد» فيها ١ بمبلغ ٢٥٠٬٠٠٠: الكفالة النهائية خ-١٠١ للعقد ١٠١/٢٠٢٦.

   

5. الرقم اللى مالكش صلاحيته ما بيتحسبلكش، فبطاقته مش بتظهر خالص (مش بتظهر صفر). وإيه اللى يظهر وبأنهى ترتيب ده إعداد للشركة كلها فى «إعدادات المقاولات ← الصفحة الرئيسية للمقاولات»: خانة إظهار وسهمين لكل رقم، وزرار «حفظ» خاص باللسان ده، وسطر ملخص زى «سيظهر 17 رقماً من 17، بترتيب القائمة».

   

6. «ما ينتظرنى» (الزرار اللى بين البحث والجرس) فيه المستندات الواقفة على خطوة إنت صاحب صلاحيتها. أما الجرس فأخبار. وأخبار المقاولات اللى تهمّك: «مستحقٌّ للصرف تجاوز مهلته» (بيتقفل بالصرف)، و«قيد تسويةٍ عُدِّل بعد كتابته» (بيتقفل لما مقارنة القيد ترجع «مطابق»)، و«محتجزٌ حلّ موعد ردّه»، و«غرامةٌ مقترحةٌ بلا قرار»، و«كفالة يحين تجديدها». الخبر اللى سببه زال ما بيتمسحش: بيفضل وجنبه «انتهى: زال سببُه» ومش بيتعدّ.

   

7. كل خبر ليه خانة تشغيل فى شريط «أحداث الجرس:» تحت فى «إعدادات المقاولات»، مش فى «ظبط اساسيات النظام». والخبر بيوصلك حسب صلاحيتك وفى مشروعاتك المسنَدة بس.