«قيّد»: قيد التسوية ومقارنته وإلغاؤه

الخطوات

1. أول ما التسوية تبقى «معتمدة ماليّاً» بيظهر زرار «قيّد». القيد بيتبنى من الأرقام اللى اتجمّدت وقت الاعتماد، من غير ما يعيد حساب ولا مبلغ، وبيتكتب مسودة فى يومية التسويات بتاريخ حسب «تاريخ القيد» فى الإعداد (المقترح تاريخ الاعتماد المالى)، وبيانه من الصيغة: «تسوية مستخلص جارى رقم ١ — عقد ١٠١/٢٠٢٦ — …». ورقمه «يومية-مسلسل» بيظهر فى التسوية، والحال بيبقى «مقيَّدة».

   

2. افتح نفس القيد فى «قيود اليومية»: حاله «مفتوح — موزون» لحد ما الحسابات تعتمده بصلاحياتها. فى «آسيا»: مدين تكلفة الأعمال 1205003 ٢٬١٢٨٫٨١ على مركز «عمارة 2A01» (شغل المستخلص ١ كله كان فيها)، ودائن المحتجز ١٠٦٫٤٠، ودائن ضريبة الخصم ٢٠٫٢٧، ودائن المقاول ٢٬٠٠٢٫١٤ بطرف «شركة الرواد المتحدون للمقاولات».

   

3. اقرا القيد كده: التكلفة = قيمة الأعمال ٢٬١٢٨٫٠٠ + فرق الضريبة ٠٫٨١، لأن القيمة المضافة بتدخل التكلفة إلا لو صف النسبة «يُخصم» (ساعتها ليها سطر مدين بحساب المدخلات). والمقاول هو الفرق، فالقيد متزن من نفسه. ولو الأعمال فى أكتر من مبنى، التكلفة بتتوزّع على المبانى بوزن قيمة أعمال كل مبنى فى الفترة، كل جزء على مركز مبناه.

4. اللى ما بيدخلش القيد: أى حاجة متقيّدة على المقاول من قبل، زى الخصم المختار من الدفتر (مواد سلّمتها الشركة، دفعة بنكية)، والدفعة المقدمة لو على حساب المقاول نفسه، والصافى السالب المرحّل. أما اللى لسه ما اتقيّدش فبيدخل بحسابه: الدفعة المقدمة على حساب مستقل، والخصم المقدَّر بنوعه، والتأمينات، والدمغات.

5. «مقارنة القيد» بتبنى القيد المتوقع بنفس الطريقة وتقارنه بالمكتوب سطر بسطر (الحساب والمركز والطرف والمبلغ) فى حدود سماحية «مطابقة القيد» (٠٫٠١). النتيجة يا «مطابق»، يا الفروق بسطورها («المتوقَّع ٨٬٠٠٠٫٠٠ والمكتوب ٧٬٥٠٠٫٠٠ — الفرق ٥٠٠٫٠٠»)، يا «حُذف القيد». ولو حد عدّل القيد بعد كتابته بيرنّ جرس «قيد تسويةٍ عُدِّل بعد كتابته».

   

6. قيد التسوية ما يتحذفش ولا يتعكس ولا يتلغى اعتماده من «قيود اليومية». إلغاؤه من التسوية نفسها بـ«إلغاء القيد» وبسبب لازم يتكتب: لو القيد مسودة بيتحذف، ولو معتمد بيتعكس بتاريخ فى سنة مفتوحة (العكس مسودة والأصل زى ما هو)، والتسوية ترجع «معتمدة ماليّاً تنتظر القيد». ولو غيّرت رأيك فى «تراجع عن إلغاء القيد».