دورة عقد المقاولات فى صفحة، وشغلك إنت فيها

الخطوات

1. الدورة كلها فى سطر واحد: الموقع بيقيس، والمكتب الفنى بيراجع، والحسابات بتحسب الفلوس، والمدير المالى بيعتمد، وبعدين القيد بزرار والدفع من الخزينة أو البنك. رئيسية المقاولات عند مدير النظام بتعرض أرقام الدورة دى كلها فى صفحة واحدة.

   

2. لحد الاعتماد المالى ما فيش ولا قيد فى الدفتر. المقايسة والحصر والمستخلص الفنى بيتعاملوا مع كميات بس، والفلوس بتبدأ عند «التسوية» فى الحسابات. يعنى شغلك إنت كمهندس كله كميات.

3. مهندس الموقع بيدخل المقاولات على طول. المبدِّل عنده فيه موديول واحد بس، من غير «الرئيسية» ولا «المحاسبة».

   

4. وقوايمه اتنين بس: «المشروعات والعقود» وفيها رئيسيته، و«الحصر والمستخلصات» وفيها أوراق الحصر واستيرادها والمستخلصات. أى قايمة ما فيهاش حاجة تخصّك مش بتظهر لك أصلاً.

   

5. رئيسيتك فيها سطر باسم مشروعك المسنَد «حدائق آسيا»، وأربع بطاقات من غير ولا سعر ولا مبلغ. لون النقطة اللى قبل اسم البطاقة بيقولك الوضع: الرمادى عادى، والدهبى محتاج انتباه، والأحمر خطر. ولو دوست على البطاقة بتفتح لك شاشتها.

   

6. «ما ينتظرنى» (الزرار اللى بين البحث والجرس) هو قايمة شغلك: كل مستند واقف على خطوة إنت عندك صلاحيتها. فى «آسيا» ورقة الحصر «حصر بياض حوائط داخلية الدور 2 عمارة 2A01» رجعت للمهندس من المكتب الفنى بسبب «طول الحائط ناقص فى الواجهة».

   

7. افتح المهمة، فتروح على شاشة المستند نفسه وتحته لوحة الاعتماد: «خطوتك: …»، وزرار «إرسال»، و«إعادة المستند» بسبب، والخط الزمنى. الخط الزمنى فيه سطر لكل انتقال: مين بدأ، ومين بعت من فين لفين، ومين رجّع وليه.