أكاديمية Asya
المدير المالى · الدرس ٨ من ١٠ الحسابات مجانى

القوائم الختامية

الهدف

تطلع قائمة الدخل والمركز المالى والتدفقات النقدية، وتقرا كل رقم جاى منين، وتعرف ليه القائمة بترفض لما الحسابات مش متصنّفة.

قبل ما تبدأ

  • صلاحية تقارير «القوائم والتحليل».
  • الحسابات متصنّفة فى «تصنيف القوائم المالية» و«بند التدفقات النقدية» (درس دليل الحسابات)، وحسابات النقدية والبنوك متحددة فى الإعدادات.
  • قيود السنة معتمدة ومتزنة، والإهلاك اترحّل.

الخطوات

  1. «القوائم والتحليل ← قائمة الدخل»: اختار الفترة ومستوى العرض (التالت مثلاً)، والخيارات: عمود المقارنة بالعام السابق، والنسبة من إجمالى القائمة، وتقريب المبالغ لأقرب جنيه.

    نافذة «قائمة الدخل»: الفترة، ومستوى العرض (التالت هنا)، وخيارات العرض زى عمود المقارنة بالعام السابق والنسبة من إجمالى القائمة وتقريب المبالغ لأقرب جنيه.
    نافذة «قائمة الدخل»: الفترة، ومستوى العرض (التالت هنا)، وخيارات العرض زى عمود المقارنة بالعام السابق والنسبة من إجمالى القائمة وتقريب المبالغ لأقرب جنيه.

  2. قائمة دخل «آسيا» ٢٠٢٥: صافى الإيرادات ٢٬٤٩٠٬٣٧٨٬٠٨٩٫٢٠، وتكلفة المبيعات ٧٦٤٬٩٤٠٬٦٧١٫٢٣، فمجمل الربح ١٬٧٢٥٬٤٣٧٬٤١٧٫٩٧. والمصروفات التشغيلية ٣٩٠٬٢٥٠ (رواتب وإيجار وكهرباء ونقل وإهلاك ٩٢٬٠٠٠ وديون مشكوك فيها)، فصافى الربح ١٬٧٢٥٬٠٤٧٬١٦٧٫٩٧، وجنبهم عمود «% من الإيرادات».

    قائمة الدخل لعام ٢٠٢٥ (من مجمل الربح لآخرها): مجمل الربح ١٬٧٢٥٬٤٣٧٬٤١٧٫٩٧، والمصروفات التشغيلية ٣٩٠٬٢٥٠، والأرباح قبل الفوائد والضرائب ١٬٧٢٥٬٠٤٧٬١٦٧٫٩٧ وصافى الربح ١٬٧٢٥٬٠٤٧٬١٦٧٫٩٧، وجنبهم عمود «% من الإيرادات».
    قائمة الدخل لعام ٢٠٢٥ (من مجمل الربح لآخرها): مجمل الربح ١٬٧٢٥٬٤٣٧٬٤١٧٫٩٧، والمصروفات التشغيلية ٣٩٠٬٢٥٠، والأرباح قبل الفوائد والضرائب ١٬٧٢٥٬٠٤٧٬١٦٧٫٩٧ وصافى الربح ١٬٧٢٥٬٠٤٧٬١٦٧٫٩٧، وجنبهم عمود «% من الإيرادات».

  3. «قائمة المركز المالى»: «الأرصدة حتى تاريخ» ٣١/١٢/٢٠٢٥ ومستوى العرض، وخلّى «إدراج نتيجة العام فى حقوق الملكية» متعلّمة عشان ربح السنة اللى لسه ما اترحّلش يظهر سطر فى حقوق الملكية فالقائمة تتوزن.

    نافذة «قائمة المركز المالى»: الأرصدة لحد تاريخ (٣١/١٢/٢٠٢٥)، ومستوى العرض، وخيارات العرض ومنها «إدراج نتيجة العام فى حقوق الملكية».
    نافذة «قائمة المركز المالى»: الأرصدة لحد تاريخ (٣١/١٢/٢٠٢٥)، ومستوى العرض، وخيارات العرض ومنها «إدراج نتيجة العام فى حقوق الملكية».

  4. أولها: الأصول غير المتداولة ٤٢٨٬٠٠٠ (تكلفة ٥٢٠٬٠٠٠ − مجمع إهلاك ٩٢٬٠٠٠) والمتداولة ١٠٬٣١٨٬٥٦٤٬٩٨٢٫٥٣، وإجمالى الأصول ١٠٬٣١٨٬٩٩٢٬٩٨٢٫٥٣. وسطر نتيجة العام مكتوب جنبه «رُحّلت الى افتتاح ٢٠٢٦» لأن السنة مقفولة.

    قائمة المركز المالى فى ٣١/١٢/٢٠٢٥ (أولها): الأصول غير المتداولة ٤٢٨٬٠٠٠ والمتداولة ١٠٬٣١٨٬٥٦٤٬٩٨٢٫٥٣، وإجمالى الأصول ١٠٬٣١٨٬٩٩٢٬٩٨٢٫٥٣. وفى حقوق الملكية سطر نتيجة العام ١٬٧٢٥٬٠٤٧٬١٦٧٫٩٧ ومكتوب إنها «رُحّلت الى افتتاح ٢٠٢٦» لأن السنة مقفولة.
    قائمة المركز المالى فى ٣١/١٢/٢٠٢٥ (أولها): الأصول غير المتداولة ٤٢٨٬٠٠٠ والمتداولة ١٠٬٣١٨٬٥٦٤٬٩٨٢٫٥٣، وإجمالى الأصول ١٠٬٣١٨٬٩٩٢٬٩٨٢٫٥٣. وفى حقوق الملكية سطر نتيجة العام ١٬٧٢٥٬٠٤٧٬١٦٧٫٩٧ ومكتوب إنها «رُحّلت الى افتتاح ٢٠٢٦» لأن السنة مقفولة.

  5. آخرها: حقوق الملكية ٧٬٧٢٢٬٣٩٥٬١٦٧٫٩٧ (رأس المال ٦٬٠٠٠٬٠٠٠٬٠٠٠ − خسائر مرحّلة ٢٬٦٥٢٬٠٠٠ + نتيجة العام) والخصوم المتداولة ٢٬٥٩٦٬٥٩٧٬٨١٤٫٥٦، والإجمالى ١٠٬٣١٨٬٩٩٢٬٩٨٢٫٥٣. سطر «الفرق بين الأصول وحقوق الملكية والالتزامات» صفر، وتحت «قائمة المركز المالى متوازنة».

    آخر القائمة: إجمالى حقوق الملكية ٧٬٧٢٢٬٣٩٥٬١٦٧٫٩٧، والخصوم المتداولة ٢٬٥٩٦٬٥٩٧٬٨١٤٫٥٦، وإجمالى حقوق الملكية والالتزامات ١٠٬٣١٨٬٩٩٢٬٩٨٢٫٥٣، وسطر «الفرق بين الأصول وحقوق الملكية والالتزامات» صفر، وتحت «قائمة المركز المالى متوازنة».
    آخر القائمة: إجمالى حقوق الملكية ٧٬٧٢٢٬٣٩٥٬١٦٧٫٩٧، والخصوم المتداولة ٢٬٥٩٦٬٥٩٧٬٨١٤٫٥٦، وإجمالى حقوق الملكية والالتزامات ١٠٬٣١٨٬٩٩٢٬٩٨٢٫٥٣، وسطر «الفرق بين الأصول وحقوق الملكية والالتزامات» صفر، وتحت «قائمة المركز المالى متوازنة».

  6. «قائمة التدفقات النقدية» بالطريقة غير المباشرة: من صافى الربح ١٬٧٢٥٬٠٤٧٬١٦٧٫٩٧ + الإهلاك ٩٢٬٠٠٠ + المخصصات ٥٬٠٠٠، وبعدها التغيّر فى العملاء والمخزون والموردين، وصافى التشغيل ٨٨٦٬٠٣٢٬٨٥٥٫٧١. فى النافذة تقدر تعلّم «سطر مستقل لضرائب الدخل المدفوعة».

    قائمة التدفقات النقدية لعام ٢٠٢٥ (أولها): صافى الربح ١٬٧٢٥٬٠٤٧٬١٦٧٫٩٧ + الإهلاك ٩٢٬٠٠٠ + المخصصات ٥٬٠٠٠ = ١٬٧٢٥٬١٤٤٬١٦٧٫٩٧ قبل التغير فى رأس المال العامل، وبعدها التغير فى العملاء والمخزون والموردين، وصافى التدفقات من الأنشطة التشغيلية ٨٨٦٬٠٣٢٬٨٥٥٫٧١.
    قائمة التدفقات النقدية لعام ٢٠٢٥ (أولها): صافى الربح ١٬٧٢٥٬٠٤٧٬١٦٧٫٩٧ + الإهلاك ٩٢٬٠٠٠ + المخصصات ٥٬٠٠٠ = ١٬٧٢٥٬١٤٤٬١٦٧٫٩٧ قبل التغير فى رأس المال العامل، وبعدها التغير فى العملاء والمخزون والموردين، وصافى التدفقات من الأنشطة التشغيلية ٨٨٦٬٠٣٢٬٨٥٥٫٧١.

  7. آخر القائمة: صافى التغيّر فى النقدية ٨٨٥٬٥١٢٬٨٥٥٫٧١، وده بالظبط الفرق بين النقدية آخر السنة ٦٬٨٢٢٬٤٧٥٬٩٠٦٫٣٥ وأولها ٥٬٩٣٦٬٩٦٣٬٠٥٠٫٦٤، والفرق بين الحساب والحركة الفعلية صفر، وتحت حسابات النقدية والبنوك واحد واحد.

    آخر القائمة: صافى التغير فى النقدية ٨٨٥٬٥١٢٬٨٥٥٫٧١ ومطابقة رصيد النقدية والبنوك (أول الفترة ٥٬٩٣٦٬٩٦٣٬٠٥٠٫٦٤ وآخرها ٦٬٨٢٢٬٤٧٥٬٩٠٦٫٣٥)، والفرق بين الحساب والحركة الفعلية صفر، وتحتها حسابات النقدية والبنوك واحد واحد.
    آخر القائمة: صافى التغير فى النقدية ٨٨٥٬٥١٢٬٨٥٥٫٧١ ومطابقة رصيد النقدية والبنوك (أول الفترة ٥٬٩٣٦٬٩٦٣٬٠٥٠٫٦٤ وآخرها ٦٬٨٢٢٬٤٧٥٬٩٠٦٫٣٥)، والفرق بين الحساب والحركة الفعلية صفر، وتحتها حسابات النقدية والبنوك واحد واحد.

  8. مقارنة السنة بالسنة: «ميزان مراجعة مقارن بعام سابق» ٢٠٢٦ قصاد ٢٠٢٥ على المستوى التانى: رصيد كل عام، وعمود «الفرق» (+ زيادة مدينة)، وعمود «% التغير». أعمدة المقارنات مكتوب عليها التواريخ، والورقة بتقول لو المسودات داخلة.

    الميزان المقارن «٢٠٢٦ مقارناً بعام ٢٠٢٥» على المستوى التانى: رصيد كل عام (مدين ودائن)، وعمود «الفرق» (+ زيادة مدينة)، وعمود «% التغير».
    الميزان المقارن «٢٠٢٦ مقارناً بعام ٢٠٢٥» على المستوى التانى: رصيد كل عام (مدين ودائن)، وعمود «الفرق» (+ زيادة مدينة)، وعمود «% التغير».

  9. لو الدليل مفيهوش ولا حساب متصنّف (زى دفتر لسه مستورد)، القوائم بترفض بسطرين: ليه، والعلاج («افتح «ملف الحسابات الرئيسى» ← «تصنيف القوائم المالية»…»)، وتحتهم جدول «أرصدة حسابات الميزانية كما هى فى الدفاتر — بلا تبويب، للاطلاع لا للتقديم». تصنيف المستوى الأول كفاية لأنه بيورث.

    «قائمة المركز المالى» فى ٣١/١٢/٢٠٢٦ على دفتر اتشال منه تصنيف الميزانية (زى دفتر لسه مستورد من غير تصنيف): سطرين فوق، الأول بيقول ليه البرنامج مش عارف الأصل من الالتزام، والتانى بيقول تصنّف منين وإن أدوار المجموعات ما تكفيش، وتحتهم جدول «أرصدة حسابات الميزانية كما هى فى الدفاتر — بلا تبويب، للاطلاع لا للتقديم» (٤٧ سطر).
    «قائمة المركز المالى» فى ٣١/١٢/٢٠٢٦ على دفتر اتشال منه تصنيف الميزانية (زى دفتر لسه مستورد من غير تصنيف): سطرين فوق، الأول بيقول ليه البرنامج مش عارف الأصل من الالتزام، والتانى بيقول تصنّف منين وإن أدوار المجموعات ما تكفيش، وتحتهم جدول «أرصدة حسابات الميزانية كما هى فى الدفاتر — بلا تبويب، للاطلاع لا للتقديم» (٤٧ سطر).

ليه بنعملها كده

  • القوائم ماشية على تصنيف الحسابات، وعمرها ما تحط حساب فى بند بالتخمين: لو فيه حساب عليه رصيد ومش متصنّف، القائمة بتقولك فى أولها إنها ناقصة بعدده ومبلغه وتصنّفه منين (معيار المحاسبة المصرى رقم ١ لعرض القوائم المالية).
  • التدفقات بالطريقة غير المباشرة، وضرائب الدخل المدفوعة ممكن تبقى سطر مستقل فى الأنشطة التشغيلية (معيار المحاسبة المصرى رقم ٤). والنقدية هنا حسابات «الخزينة» وحسابات البنوك المحددة فى الإعدادات بس.
  • مجموعات الحسابات وأدوارها (تشغيل، متاجرة، أرباح وخسائر، ميزانية) لورقة «الحسابات الختامية» بس، مالهاش دعوة بالقوائم دى، فأدوار المجموعات ما تكفيش علاج للقائمة المرفوضة.
  • القوائم والحسابات الختامية أوراق قانونية، فبتفتح على المعتمد والموزون وبتشمل الافتتاحى دايماً، وما بتتبعش فلاتر التقارير الافتراضية.

أخطاء شائعة

  • تكتب «قيمة بضاعة آخر المدة» فى الحسابات الختامية والمخزون متقيّد فعلاً فى الدفتر.بترفض: «لم تُطبع الحسابات الختامية بقيمة بضاعة آخر المدة : حسابات المخزون (…) داخل مجموعة «الميزانية» برصيد 2,878,875,532.58 …». سيب الخانة فاضية، أو اكتب قيد تسوية المخزون.
  • تصنّف المجموعات بأدوار وتستنى الميزانية تطلع.«… وصنّف الحسابات الرئيسية (المستوى الأول يكفى؛ وأدوار «مجموعات الحسابات» لا تكفى)، ثم أعد التقرير».
  • تشيل «إدراج نتيجة العام فى حقوق الملكية» فى سنة لسه ما اتقفلتش وتستغرب إن الميزانية مش متوازنة.علّمها؛ من غيرها الورقة بتكتب «بدون إدراج نتيجة العام فى حقوق الملكية» والفرق هو ربح السنة.
  • تقدّم جدول «بلا تبويب» للجهات على إنه ميزانية.مكتوب عليه «للاطلاع لا للتقديم». صنّف الحسابات وأعد القائمة.

تمرين على الشركة التدريبية

على نسخة التدريب من «آسيا للتنمية العمرانية».

اعمل كده

  1. على نسخة التدريب اطلع «قائمة الدخل» لعام ٢٠٢٥ بعمود «% من الإيرادات».
  2. اطلع «قائمة المركز المالى» فى ٣١/١٢/٢٠٢٥.
  3. اطلع «قائمة التدفقات النقدية» لعام ٢٠٢٥ مع «تفصيل حسابات النقدية والبنوك».

لازم تشوف

  • مجمل الربح ١٬٧٢٥٬٤٣٧٬٤١٧٫٩٧ وصافى الربح ١٬٧٢٥٬٠٤٧٬١٦٧٫٩٧.
  • إجمالى الأصول = إجمالى حقوق الملكية والالتزامات = ١٠٬٣١٨٬٩٩٢٬٩٨٢٫٥٣، و«قائمة المركز المالى متوازنة».
  • صافى التغيّر فى النقدية ٨٨٥٬٥١٢٬٨٥٥٫٧١ = ٦٬٨٢٢٬٤٧٥٬٩٠٦٫٣٥ − ٥٬٩٣٦٬٩٦٣٬٠٥٠٫٦٤، والفرق صفر.

أسئلة

٥ أسئلة بتتسحب من بنك فيه ٩ سؤال. دوس «أسئلة تانية» تجيلك مجموعة غيرها، أو «سؤال تانى» تحت أى سؤال تبدّله لوحده.