الدورة المحاسبية فى صفحة، وقواعد البرنامج

الخطوات

1. الدورة باختصار: القيد بيتسجّل «مفتوح» (مسودة)، والمدير المالى بيعتمده من «مراجعة واعتماد القيود»، وبعدين رئيس الحسابات بيقفل الشهر من «قفل الفترات المحاسبية»، وآخر المشوار «اغلاق العام وبدايه عام جديد». واللى اتقفل ما بيتعدّلش: الغلط بيتصلّح بعكس أو بقيد جديد بتاريخ مفتوح.

2. التأسيس مرة واحدة: مدير النظام بيفعّل الترخيص ويكتب بيانات الشركة والسنة والإعدادات، ورئيس الحسابات بيعمل اليوميات ومراكز التكلفة ودليل الحسابات والضرائب، والمحاسب بيسجّل الأطراف. وبعدهم الأرصدة الافتتاحية: «آسيا» بدأت ١/١/٢٠٢٥ بالخزينة ١٠٠٬٠٠٠ والبنك الأهلى ٨٨٠٬٠٠٠ والأثاث ١٢٠٬٠٠٠ والعربية ٤٠٠٬٠٠٠ قصاد حساب المشروعات ١٬٥٠٠٬٠٠٠.

3. كل يوم (شغلك إنت): القيود من «قيود اليومية» (F5)، وسندات القبض والصرف من «الخزينة والشيكات»، والشيكات وحركتها، وترفق المستند بالقيد، وتبص على الجرس و«ما يحتاج انتباهك» فى الرئيسية. مثال يوم ٥/١/٢٠٢٥: شراء مهمات من شركة الجبل ٣٠٠٬٠٠٠ + ضريبة ٤٢٬٠٠٠ = ٣٤٢٬٠٠٠، والقيد بيتحفظ «مفتوح».

4. آخر كل شهر: تولّد القيود المتكررة، وتعمل تسوية البنك لكل حساب بنك، وترحّل الإهلاك، وتصلّح اللى طلع فى «صيانة القيود». والمدير المالى بيعتمد قيود الشهر كلها (ومنها اللى كتبتها المقاولات والمخازن)، ورئيس الحسابات بيطلّع إقرار القيمة المضافة، وبعدين بيقفل الشهر.

5. آخر السنة: نفس شغل آخر الشهر لديسمبر، وتسوية كل البنوك، وتصحيح أى قيد غير متوازن أو مسودة متسابة. وبعدها الميزان والقوائم الختامية ونسخة احتياطية، وبعدين إقفال السنة. فى «آسيا» ربح ٢٠٢٥ كان ١٬٧٢٥٬٠٤٧٬١٦٧٫٩٧ وراح «الأرباح المرحلة» 2203001.

6. الحسابات هى الدفتر الوحيد: المقاولات والمخازن ما عندهمش دفتر تانى. كل واحد فيهم بيكتب قيده مسودة فى يومية الشركة لما صاحب صلاحية «قيود اليومية» يدوس بنفسه («قيّد» فى التسوية، و«رحّل» فى إذن المخازن)، والقيد بيوصلك فى «مراجعة واعتماد القيود» زى أى قيد. والقيد ده ملك المستند: تصحيحه من شاشة المستند، مش من «قيود اليومية». ولو دوست «حذف القيد كله» عليه من «قيود اليومية»، الرفض بيسمّى المستند («تسوية مستخلص جارى رقم 1 — عقد 101/2026») ويقولك التصحيح من شاشة «التسويات».

   

7. أهم قواعد البرنامج اللى هتفسّر لك أى رفض: (١) البرنامج ما بيخمّنش، كل حاجة بإعداد إنت بتحدده. (٢) الورقة بتقول كل حاجة عملتها: الفترة والفلاتر واللى اتشال منها. (٣) الرقم الواحد بيتحسب بطريقة واحدة، فرصيد «شركة الجبل» فى الكشف هو هو فى أعمار الديون. (٤) المرحّل ما يتمسحش، بيتعكس، والسنة والفترة المقفولة مقفولين بجد.