تأسيس الشركة: البيانات والسنة واليوميات والمراكز

الخطوات

1. افتح «النظام ← ظبط اساسيات النظام». أول قسم «الشركة والترويسة»: اسم الشركة (بيظهر فى عنوان النافذة وأعلى كل تقرير)، والمدير المسئول والعنوان والتليفون والشعار. «طباعة ترويسة الشركة فى رأس كل تقرير» متعلّم عليها؛ شيلها بس لو بتطبع على ورق عليه الترويسة جاهزة.

   

2. انزل لتحت فى نفس القسم: «سطور تطبع فى نهاية التقارير» (لحد خمس سطور زى رقم السجل التجارى)، و«توقيعات المستندات المطبوعة» لكل نوع مستند بترتيبها من اليمين. المقترح للقيد: «أعدّه، راجعه، اعتمده»، ولسند الصرف: «المستلم، أمين الخزينة، المحاسب، المدير المالى».

   

3. افتح «الإعدادات ← إعدادات الحسابات» قسم «الحسابات والقيود». اختار طريقة ترقيم القيود: «آسيا» شغالة «مسلسل واحد لكل اليوميات» فرقم القيد زى 3990 رقم واحد بيكبر فى السنة كلها. والتانية «مسلسل مختلف لكل يومية» بتدّى رقم زى 01-3002 (اليومية ١ شهر ٣ القيد ٢). وطول كود الحساب عند «آسيا» ٧ أرقام.

   

4. فى نفس القسم لتحت حدد اليوميات الافتراضية: شاشة القيود على «اليومية العامة» ٣، وأذون الخزينة على «الخزينة» ١، والشيكات على «الشيكات» ٢، وحساب الخزينة الافتراضى، و«الحساب المتمم لفرق القيد غير المتزن» (اختار حساب «فروق تحت التسوية» تراجعه آخر الشهر). البرنامج مش بيختار اليومية من اسمها: لو الخانة فاضية تلاقى «اعتمد الاقتراح».

   

5. قسم «لوحة المؤشرات والتنبيهات»: اكتب «حسابات النقدية والبنوك» اللى أرصدتها تظهر فى الرئيسية وتتعدّ نقدية فى قائمة التدفقات ونموذج ٤١ (الخزاين بتتعدّ لوحدها من طبيعتها «خزينة»). وهنا كمان أفق الشيكات (٣٠ يوم) وتنبيه القيد المفتوح بعد ٧ أيام.

   

6. السنة المالية من «الإعدادات ← تحديد بداية العام»: «آسيا» بتبدأ فى يناير. شهر البداية لازم يمشى مع السنين اللى قبلها وبعدها عشان مفيش فترة تقع بين سنتين.

7. «القيود واليوميات ← ملف اليوميات» (Alt+5): اكتب اسم اليومية الجديدة ودوس «اضافة يومية» وبعدين «تسجيل اليوميات». عند «آسيا» تمانية: ٠ القيد الافتتاحى، ١ الخزينة، ٢ الشيكات، ٣ اليومية العامة، ٤ الاستثمار العقارى، ٥ تسويات المقاولات، ٦ مبيعات المقاولات، ٧ المخازن. اليومية صفر مخصوصة للقيد الافتتاحى اللى البرنامج بيبنيه وقت إقفال السنة.

   

8. «النظام ← مراكز التكلفة» (Alt+6): المركز الرئيسى كوده الفرعى ٠، والفرعى تحته بكود من ١ لـ٩٩٩. عند «آسيا» ١/٠ «حدائق آسيا» وتحته ١/١ «عمارة 1A01» و١/٢ «عمارة 1A02»، و٤ «الإدارة العامة» و٥ «المعدات والتشغيل». «اضافة مركز» ثم «تسجيل». المركز اللى عليه قيود ما تحذفوش: شيل علامة «نشط».

   

9. إعداد بيتغيّر من تاريخ: فى «إعدادات الحسابات ← فروق العملة» كل خانة بتتكتب سطر لكل تاريخ سريان بالشكل «2026-01-01=القيمة»، والسطر اللى من غير تاريخ ساريه من الأول. كده التغيير يسرى من يومه وما يلمسش اللى فات. ولو الشكل غلط «تسجيل» بيرفض ويسمّى الخانة.